Spay-a-Thon nommer 3!

Vanessa Engelbrecht ( voorsitter ACT, links), Tama-ra Schmid van Duits­land (Cango Wildlife Ranch, middel) en Vanessa Salisbury van George besig om een van die diere voor te berei vir sterilisasie.

Carlien Botha van die staatsveeartskantoor (links), besig met ’n sterili-sasie, terwyl Sharon Lee (Cango Wildlife Ranch) vanaf Hong Kong haar bystaan.  Foto’s: Angelique Erasmus

Deur Angelique Erasmus
DIE derde Spay-a-Thon vir 2018 wat deur ACT (Animal Care Team) ge- reël is, het eergister en gister 106 diere gratis gesteri­liseer.

Dertig vrywilligers van die Ebervet Petcare Groep, ACT en die Cango Wildlife Ranch was saam met die personeel van die staatsveeartskantoor betrokke

Diere uit Smartie Town, ’n woonbuurt in Bridgton, het vandees­week aan die beurt gekom.
Die Hoorn het Dinsdag reeds vroeg­oggend gaan inloer, waar al die betrokkenes reeds aan die woel was.

Die vertrek wat aan ACT beskikbaar gestel is, is in vier dele opge­deel. Eerstens is daar die voorberei­dingsgebied waar diere onder verdowing geplaas en geskeer word.

Daarna word diere oorgeskuif na die operasiegebied met vier tafels. Sodra die sterilisasie-ope­rasie voltooi is, word die diere oor­geskuif na die area waar vrywilligers na hulle omsien totdat hulle bykom.

Vierdens is daar ook ’n opwasgebied waar toerusting vir die volgende prosedure gesteriliseer word.

• ACT het vanjaar al meer as 600 diere gesterliseer

Enigeen wat wil betrokke raak by die volgende Spay-a-Thon kan ACT se voorsitter, Vanessa Engelbrecht, by tel 044 272 7311 kontak.

Log in with your credentials

Forgot your details?