Twee skitter in Oudtshoorn én PE

Jada Coetzee (links) en Anlizé Vermeulen wat die naweek in Oudtshoorn en Port Elizabeth uitsonderlik presteer het in swem en tweekamp. Foto: Higgo Jacobs

Deur Higgo Jacobs
TWEE swemmers van die Freda Barnard Swemskool op Oudtshoorn het geskitter by die SA vlak 3 swemgala wat vanaf Vrydagaand in die NA Smit Swembad op Oudts­hoorn aangebied is.

Topswemmers vanoor die hele land het aan dié byeenkoms deelgeneem.

Anlizé Vermeulen het goud gewen in die 50 m rugslag en silwer in die 100 en 200 m borsslag.
Sy het ook goud losgeswem in die 4×100 m-aflos.

Jada Coetzee het ’n silwer medalje in die 400 m vryslag sowel as in die 200 m rugslag gewen.

Sy het ook brons gewen in die 200 m vryslag en 50 m rugslag.

Wat dié twee sportsterre van Oudts­hoorn se prestasies merkwaardig maak, is dat albei ook Saterdag in

Port Elizabeth aan die Suid-Afrikaanse Tweekampkampioenskap deelgeneem het waar Vermeulen ’n vierde plek behaal het in die ouderdoms­­­­groep vir meisies o.19 en Jada ’n agtste plek vir meisies o.13.

Die twee moes na hul deelname aan die tweekampkampioenskap vinnig terugkeer Oudts­hoorn toe om Son­­dag hier verder aan die gala deel te neem.

Log in with your credentials

Forgot your details?