Skolekrieketspeler van die Jaar!

Jhedli van Briesies van Langenhoven Gimnasium ontvang sy trofee as beste kolwer in sowel die T20-reeks as die superliga van Jonathan Carelse, voorsitter van Eden Skolekrieket. Foto: verskaf

Deur Higgo Jacobs
JHEDLI VAN BRIESIES is as die SWD se skolekrieketspeler van die seisoen aangewys tydens SWD Krieket se jaarlikse prystoekenningse­remonie Vrydagaand, 26 April, by De Opstal Country Lodge buite Oudtshoorn.

Van Briesies, ster-kolwer van Langenhoven Gimnasium op Oudtshoorn, het ’n totaal van 276 lopies in die T20-reeks van SWD se skolekrieket aangeteken met die hoogste telling van 78 nie uit nie.

In die o.19-superliga was Van Briesies ook die beste kolwer met ’n totale telling van 323 in die reeks. Sy hoogste telling was 143.

Sy Gimmie-spanmaat, Eaj Carew, is aangewys as die beste bouler van die seisoen. Hy het altesaam 21 paaltjies laat kantel met sy beste ontleding van 5/9.

Log in with your credentials

Forgot your details?