Vastrappers maak amper skoonskip

Vastrappers presteer Sara van Rooi, afrigter van die Prins Albert Vastrappers en bekroonde liedjieskrywer, en die Prins Albert Vastrapper-orkes. Sara  se liedjie, Swartri-vier se olywe, is by die tweede 2018-Rieldans-streeksfees op De Doorns aangewys as Liedjie van die Dag. Van Rooi en Denise Ohlson het die Vastrappers in 2014 begin.  Foto:  Marlene Malan

Vastrappers presteer
Sara van Rooi, afrigter van die Prins Albert Vastrappers en bekroonde liedjieskrywer, en die Prins Albert Vastrapper-orkes. Sara se liedjie, Swartri-vier se olywe, is by die tweede 2018-Rieldans-streeksfees op De Doorns aangewys as Liedjie van die Dag. Van Rooi en Denise Ohlson het die Vastrappers in 2014 begin. Foto: Marlene Malan

Deur Marlene Malan
DIE Prins Albert Vastrappers – ’n plaaslike riel­dansgroep wat vier jaar gelede gestig is – het pas byna skoonskip gemaak op die tweede 2018-Rieldans-streeksfees op De Doorns. Dit is een van die streeksuitdunne van die jaarlikse nasionale ATKV-Rieldanskompetisie waarvan die finaal in Desember in die Paarl plaasvind.

Van die agt bekers wat die 22 deelnemende span­ne in verskillende kategorieë kon wen, het die Vastrappers ses huis toe gebring! Dit is vir: o.14-topspan (juniors), een van die topvyf-o.20-spanne (seniors) uit tien, die beste o.14-danser (Zannadann van Rooi), die beste o.14-danser (Sharlene Fortuin), die beste oorspronklik gekomponeerde liedjie (Sara van Rooi) asook die beste rieldansmusikante.

Die o.14- en o.20-spanne van Die Prins Albert Vastrappers het deurge­dring na die kwarteindronde op 20 Augustus in Vredendal.

• Mense wat afvallappies kan skenk waarvan Vastrapper-ma’s optreebroeke vir die seuns en musikante maak, kan Van Rooi bel by 073 091 3570, of skryf aan karoostyl@intekom.co.za

Log in with your credentials

Forgot your details?