Inwoners wil voordeel trek uit Bridgton Mall

Onderburgemeester Noluthando Mwati aan die woord.

Oudtshoorn se burgemeester, Colan Sylvester, spit Maandag die eerste sooi vir die Bridgton Mall. Foto’s: Wyndham Ewerts

Deur Wyndham Ewerts
VAN die inwoners wat Maandag by die bekendstelling van die nuwe Bridgton Mall was, het in ’n stadium so rumoerig geraak, dat die burgemeester van Oudtshoorn, Colan Syl­vester, van die toneel weggeneem is.

Die beskikbaarheid van werk vir inwoners was een van die kwessies wat teenwoordiges aangespreek het.

’n Gemeenskapsleier en inwoner, Louis Morrison, het gesê hoewel sy bly is dat die projek gaan realiseer, sy bekommerd is dat die betrokke wyk se massa werkloses nie voordeel gaan trek uit die ont­wikkeling nie. “Ons is ook onge­luk­kig dat niemand ons ingelig het die bekendstelling gaan vandag plaas­vind nie,” het sy gesê.

Hennes Schreuder, ’n projekkonsultant vir die ontwikkelaar, het inwoners gerusgestel en verseker dat Oudtshoorniete sal baat vind by die nuwe sentrum. “Ons kan egter nie verwagtinge skep nie, en almal sal moet aansoek doen vir poste soos dit geadverteer word.

“Inwoners moet ook in ag neem dat vaardighede ’n groot rol speel en daarom sal die toekomstige werknemers nie uitsluitlik uit

Wyk 13 kan kom nie,” het hy bygevoeg.

• Oudtshoorn se burgemeester, Colan Sylvester, het die projek be­stempel as ’n ideale ontwikkelingsgeleentheid waarby die Groter Oudts­hoorn kan baat vind.

Van die teenwoordiges het egter begin oproerig raak en Sylvester be­skuldig dat hy hulle stil maak wanneer hulle hul menings wil lig. Syl- vester se vrou, Amy, moes die eerste burger later na veiligheid begelei toe van die mense handgemeen wou raak.
Noluthando Mwati (onderburgemeester) het daarna gemoedere pro­beer kalmeer. Sy het aan die skare gesê hoewel sy self van Oos-London is, sy nie ten gunste daarvan is dat mense van ander dorpe in Oudts­hoorn moet kom werk nie.

“Ek is ’n Oudtshoorn-burger en my hart is met Oudtshoorn se mense. As besighede plaaslik groei, moet Oudtshoorn se mense saam met dit groei,” het sy bygevoeg.

 

Log in with your credentials

Forgot your details?