Jong man verdrink by Meiringspoortwaterval

’N 24-Jarige man van Oudtshoorn het die na­week by die Meiringspoort-waterval buite De Rust verdrink.

Volgens kapt Gert Fourie, stasiebevelvoerder van die De Rust Polisie, het Eugene Mathenzwa na wat verneem word Saterdag omstreeks 13:35 by die waterval afgespring en nie weer op­gekom nie.

“Iemand het hom uitgehaal. Toe die Polisie daar aankom, was daar twee mense wat vergeefs pro­beer het om hom by te kry,” het hy gesê.

Fourie sê ooggetuies kon nie inligting oor die voorval verskaf nie omdat hulle te geskok was.

Volgens Fourie is Mathenzwa van die proefplaas-omgewing.

  • ’n 29-jarige inwoner van Dysselsdorp, Rodney Kok, het ook by die waterval gesterf toe hy op  Nuwejaarsdag 2014 by die waterval afgespring het. Hy het vermoedelik ’n rots getref en verdrink.

 

(Deur Stefan Skapie Goosen)

Be the first to comment on "Jong man verdrink by Meiringspoortwaterval"

Leave a comment

Your email address will not be published.


*