Byna weer tyd vir die Bloeiselfees

Calitzdorp vier weer Bloeiselfees op 1 en 2 September.

CALITZDORP bied eersdaags – op 1 en 2 September – weer sy jaarlikse Bloeiselfees aan.
Begin September is die appelkoos- en perskebome vol in die blom. Dié lentebloeisels kondig elke jaar die begin van ’n nuwe seisoen aan vir die vrugte- en wynbedryf in die dorp.

De Krans Wynkelder het ’n hele rits bedrywighede vir die naweek van die Bloeiselfees saamgestel:

• Die Bloeiselfees by De Krans skop op Saterdag, 1 September, af met ’n Wingerd-pretdraf (of stap) deur die wingerde en vrugteboorde. Deelnemers kan kies tussen die 5 km- of 10 km-roete. Daar is heerlike wynpryse te wen in die verskeie kate­goriëe. Besprekings is noodsaaklik.

• Gebruik die geleentheid om tus­sen die vrugtebome van De Krans rond te loop om die lentebloeisels van naby te sien en te fotografeer op 1 en 2 September. Groot wynpryse is op die spel vir die mooiste foto’s wat op enige van die dae by De Krans geneem word. Die wenner van hierdie fotokompetisie kry vanjaar sy/haar gewig in wyn van De Krans!

• De Krans bied ook ’n plaasmark die Saterdag aan. Inheemse plante en bome, kruie, vars gebakte brood en ander tuisgemaakte produkte van Calitzdorp, asook wyne van die boetiek-wynprodusente van Calitzdorp sal te koop wees.

• Musiek deur André Combrinck op Saterdag tussen 10:00 en 17:00.

• Die De Krans Bistro en Deli sal oop wees vir ontbyt, middagete of ’n vroegoggend- koppie koffie.

• Op Sondag, 2 September, word ’n vonkelontbyt met lewendige saksofoonmusiek aangebied. Bespre­kings noodsaaklik. Kontak Bessie Swanepoel by tel 044 2133314 of dekrans@mweb.co.za vir inligting en besprekings.

Log in with your credentials

Forgot your details?