South African Majorette and Cheerleading Association bring nasionale kampioenskap na Oudtshoorn

Tien jaar nadat hierdie foto van jong Oudtshoorniete geneem is wat aan die SA Trompoppiekompetisie in 2008 in Oudtshoorn deelgeneem het, kom dié groot nasionale byeenkoms weer Oudtshoorn toe. Foto: Schalk le Roux

Tien jaar nadat hierdie foto van jong Oudtshoorniete geneem is wat aan die SA Trompoppiekompetisie in 2008 in Oudtshoorn deelgeneem het, kom dié groot nasionale byeenkoms weer Oudtshoorn toe. Foto: Schalk le Roux

Deur Liesel le Roux
DIE South African Majorette and Cheerleading Association (SAMCA) se jaarlikse nasionale kampioenskap vind weer vanjaar in die wintervakansie op Oudts­hoorn plaas – tien jaar nadat ’n baie suksesvolle kampioenskap in 2008 op dié dorp aangebied is.

Dié kampioenskap vind van 30 Junie tot 7 Julie op die Rec plaas.

Slegs die topspanne in die land kwalifiseer jaarliks vir deelname aan die “Nationals”, soos die kampioenskap allerweë bekend staan.

Volgens Johnny Bis­c­hoff, hoof van Laerskool Van Reede wat ook in die reëlings­komitee dien vir die Oudtshoorn-kampioenskap, word meer as 3 000 deelnemers op Oudtshoorn verwag.

Bischoff sê die Cheerleading-afdeling sal op Saterdag 30 Junie plaasvind met die Majorette-afde­ling wat die Sondag afskop en oor die volgende dae sal plaasvind.

Dié jaarlikse kampioenskap is as gevolg van die verbluffende vernuf en vaardighede van die deelnemende spanne baie gewild onder toeskouers, en behoort ’n welkome hupstoot vir Oudtshoorn se toerismebedryf te gee, veral omdat die deelnemers se gesinne en ander belangstellendes ook dikwels die byeenkoms bywoon.

0 Comments

Leave a reply

Your email address will not be published. Required fields are marked *

*

©2018. Digitale projekbestuur deur Lumico.

Log in with your credentials

Forgot your details?