Steun so Seeff se Winterprojek vir Helen Bellinghanhof

SEEFF Oudtshoorn het ’n projek geloods om toiletware vir die bejaardes van Helen Bellinghanhof in te samel en vra inwo­ners om hulle te help.

Navorsing toon dat daar ’n groot behoefte vir toiletware by die bejaardes van Helen Bel­linganhof op Oudts­hoorn is, lui ’n pers­verklaring van Seeff.

“Dit lyk vir baie men­se na ’n basiese behoefte waaroor hulle hul nie regtig hoef te bekommer nie, maar vir die bejaardes is dit ’n groot probleem.”

Seeff Oudtshoorn het besluit om sy jaarlikse winterprojek te gebruik om hierdie behoefte aan te spreek.
“Ons doen ’n beroep op iedereen om wanneer jy toiletware koop dalk ietsie ekstra te koop en dit te kom afgee by ons kantore. Seeff sal elke skenking verdubbel. Ons hoop om ’n minimum van 100 hampers saam te stel met tandepasta, room, seep, poeier en tissues.”

Bydraes kan geplaas word in ’n houer in ­Seeff se nuwe kantore in Baron van Reedestraat 117. Skakel 044 272 02 13 as jy verkies dat dit opgelaai moet word.
“Saam kan ons die bejaardes help!”

0 Comments

Leave a reply

Your email address will not be published. Required fields are marked *

*

©2017. Digitale projekbestuur deur Lumico.

Log in with your credentials

Forgot your details?