Nuwe takbestuurder vir ABSA

ABSA-adviseurs presteer by Suid- en Oos-Kaapse toekennings

ABSA Oudtshoorn se nuwe takbestuurder, Johan Rheeder (tweede van links), by Emile Calitz (links) en Blackie Swart (regs) wat uitstekend presteer het, asook Marius van Huizen, areahoof - kleinhandel- en besigheidsbankdienste.

ABSA Oudtshoorn se nuwe takbestuurder, Johan Rheeder (tweede van links), by Emile Calitz (links) en Blackie Swart (regs) wat uitstekend presteer het, asook Marius van Huizen, areahoof – kleinhandel- en besigheidsbankdienste.

Twee adviseurs van ABSA Oudtshoorn, Blackie Swart (hoof finansiële adviseur) en Emile Calitz (finansiële adviseur), het verskeie toekennings ontvang by ABSA se Suid-Kaapse afskeids- en toekenningsfunsie op 6 Desember.

Blackie is vereer as die Beste fidusiêre adviseur (Wills-toppresteerder) en Beste Absa lewens-adviseur – hoogste bedrag verseker en Emile het die toekenning vir Beste streeks-nakomingsdienste ontvang en is ook aangewys as die Beste korttermynadviseur – kommersieel.

Die Oudtshoorn-tak het vandeesmaand ’n nuwe takbestuurder verwelkom. Johan Rheeder sê dit is wonderlik om na 20 jaar terug te wees in Oudts­hoorn.

Johan, wat in 1976 aan die Hoërskool Punt gematrikuleer het en al 38 jaar in die bankwese is, het tussen 1994 en 1997 by Volkskas op Oudts­hoorn gewerk.

“Ek is terug by die huis,” sê hy. “Ek sien baie daarna uit om die verhoudings van vorige kliënte weer op te tel en te versterk – asook nuwe mense te ontmoet en nuwe verhoudings te skep.”

Rheeder sê hy is gefokus op puik kliëntediens en sal daarna strewe om net sy beste vir kliënte te gee.

Log in with your credentials

Forgot your details?