Veearts erg beseer in fietsongeluk

fietsx
Deur Liesel le Roux
’N VEEARTS van die Kango Dierekliniek op Oudts­hoorn, dr Trude Stassen (50), is in ’n stabiele toestand in die Medi­clinic George nadat sy Maan­dagmiddag op die Lategansvleipad deur ’n voertuig getref is terwyl sy fiets gery het.

Stassen het veelvuldige beserings opgedoen en is per ambulans na die Mediclinic Klein Karoo op Oudtshoorn geneem. Sy is die aand na George oor­geplaas.

Volgens Lee-Ann van Sittert wat werksaam is by die Kango Dierekliniek, sou Stassen gister ’n ope­rasie ondergaan in haar een arm wat gebreek is. Stassen het ook rib­bes gebreek in die botsing en ’n been erg beseer.

Corné Botha, wat kort ná die ongeluk op die toneel was totdat Stassen met die ambulans hospitaal toe geneem is, sê sy het baie seergekry en veelvuldige beenbreuke opgedoen.

Die Hoorn kon nie gister daarin slaag om terugvoering van die Medi­clinic George te kry nie.

Sers Gretchen Michaels, woordvoerder van die Oudtshoorn Polisie, sê die voorval het omstreeks 17:30 plaasgevind. “Na bewering het die bakkie sowel as die fietsryer noord gery en het die bakkie die fietsryer links verbygesteek. Die fietsryer het links beweeg waarna die twee gebots het.” Die Polisie ondersoek tans die saak.

Log in with your credentials

Forgot your details?