R40 000-projek op dorp om diere te steriliseer

Onder 'n groot groep vrywilligers wat hand bygesit het tydens die Spray-a-Thon was Kaelynn Webb (links) van Amerikan en Lisa Frank van Duitsland wat as vrywilligers by die Cango Wildlife Ranch werk. Hier is hulle by 'n hond pas nadat hy esteriliseer is. Foto: Liesel le Roux

Onder ‘n groot groep vrywilligers wat hand bygesit het tydens die Spray-a-Thon was Kaelynn Webb (links) van Amerika en Lisa Frank van Duitsland wat tans as vrywilligers by die Cango Wildlife Ranch werk. Hier is hulle by ‘n hond pas nadat hy geopereer is. Foto: Liesel le Roux

Deur Liesel le Roux
EENHONDERD EN VIER honde en ses katte is Dinsdag en Woensdag tydens die eerste Oud­t­shoorn Spay-a-Thon op Oudtshoorn gratis gesteriliseer in ’n poging om die aanwas van diere in die munisipale gebied te beperk.

Verskeie veeartse het in stadiums gelyktydig en sy aan sy by die kantore van die staatsveearts in Van der Rietstraat op Oudtshoorn gewerk om die massa-ste­rilisasie in twee dae te kon afhandel.

Die Spay-a-Thon was ’n inisiatief van twee dierewelsynorganisasies, Oudts­hoorn Volunteers vir Diere en ACT (Ani­mal Care Team), in samewerking met die Wes-Kaapse Departement van Landbou.

“Dit het fantasties goed gegaan en was ’n groot sukses, ” het ’n dankbare Vanessa Engelbrecht, voorsitter van ACT, gisteraand na afloop van die Spay-a-Thon gesê. Sy het groot lof gehad vir die samewerking van die veeartse.

Maandag is 55 honde en drie katte en Dinsdag nog 49 honde en drie katte ge­steriliseer.

Die diere was almal afkomstig van eienaars wat nie sterilisasies kon bekostig nie. Onder hulle is plaaswerkers en inwoners van Rose Valley en die Klip­lokasie.
Drie honde van die Oudts­hoorn Diereskut is ook geste­riliseer.

\Die projek, wat R40 000 gekos het, is befonds deur fondsinsamelings wat die diereorganisasies gedoen het.

Honde en katte vanuit minder gegoede gebiede is ook tydens die twee dae behandel vir brandsiekte, wurm­be­smetting, vlooie en bosluise.

’n Groot veeartsenyspan het hulle ­dienste beskikbaar gestel vir die Spay-a-Thon, naamlik dr Glen Carlisle van die Oudtshoorn Diere­kliniek, drs Rei­nette du Plooy en Trude Stassen van die Kango Diere­kliniek, drs Cathy Fox en Christiaan Blignault van die staats­veeartsdiens, dr Hilldidge Beer van die Ebervet Petcare Group, dr Chris Blignault van die PDSA asook die veeartsenyverpleegsters, Hilda Mills en Sunet Gouws.

Log in with your credentials

Forgot your details?