12 mense beseer

Die bakkie wat op die Dysselsdorppad gerol het.      Foto: ER24

Die bakkie wat op die Dysselsdorppad gerol het. Foto: ER24

Deur Ilze-Mari Gründling
DIE Oudtshoorn Polisie ondersoek ’n klagte van roekelose en nalatige be­stuur nadat 12 mense Saterdag­og­gend vroeg op die Dysselsdorppad beseer is.

Volgens sers Gretchen Michaels, woordvoerder van die Oudtshoorn Polisie, het die bestuurder van ’n wit Toyota-bakkie na bewering ’n ander voertuig verbygesteek toe ’n groen trok ook wou verbygaan.

“Die bakkie het met die ander voer­tuig gebots en die trok het nie op die toneel gestop nie. Die passasiers van die ander voertuig is nie beseer nie,” sê Michaels.

Volgens Russel Meiring, woord­voer­der van ER24, was die meeste van die passasiers wat beseer is, ag­ter­ op die bakkie toe die ongeluk sowat 10 km buite Oudtshoorn plaasgevind het. Volgens Meiring is die passasiers deur paramedici na die Oudtshoorn

Hospitaal geneem, maar is niemand ernstig beseer nie.

Log in with your credentials

Forgot your details?