Verhoor van oud- munisipale amptenaar uitgestel

MUnisipaliteit
Deur Garnett Wicomb
DIE saak teen ’n voormalige assistent-superintendent van die Oudtshoorn Munisipaliteit wat van bedrog en korrupsie aangekla word, is in die Oudtshoorn Streek­hof vir verdere verhoor uitgestel.

Frikkie van Staden (51) wat verant­woor­delik was vir onder andere die in­stand­houding van paaie, is in Februarie deur die Valke in hegtenis geneem. Hy het na bewering tussen Maart 2011 en Julie 2014 die Oudtshoorn Munisipaliteit onregmatig beïnvloed om werk aan ’n be­slote korporasie, Kamvelihe General Tra­ding wat aan sy skoonsuster, Francis Booysen, behoort het, te verskaf.

Die munisipaliteit het na bewering verliese van byna R2 miljoen gely.

Van Staden pleit onskuldig op al die aanklagte en ontken dat hy enige geld van Kamveli of Booysen ontvang het.

Die saak is na die getuienis van die ondersoekbeampte deur streeklanddros Neels Nortje tot 23 Oktober uitgestel.

0 Comments

Leave a reply

Your email address will not be published. Required fields are marked *

*

©2018. Digitale projekbestuur deur Lumico.

Log in with your credentials

Forgot your details?