Swembad weer blou!

Die water van die NA Smit Swembad was gister weer blou en skoon nadat die swembad se groen water erge verleentheid by die SWD Tweekampproewe  verlede week veroorsaak het. Ook die gekraakte sementblokke langs die swembad is intussen herstel.  Foto verskaf

Die water van die NA Smit Swembad was gister weer blou en skoon nadat die swembad se groen water erge verleentheid by die SWD Tweekampproewe verlede week veroorsaak het. Ook die gekraakte sementblokke langs die swembad is intussen herstel. Foto verskaf

Deur Liesel le Roux
DIE water van die NA Smit Swembad op Oudts­hoorn was sedert Woensdag weer blou nadat troebel, groen water op Dinsdag, 17 Oktober, erge verleent­heid veroorsaak het toe die SWD Twee­kamproewe daar plaasgevind het. Dit is goeie nuus vir Oudtshoorn in die lig van verskeie swemgalas wat in die volgende weke by dié swembad moet plaasvind.

Teen gister was dit duidelik dat die munisipa­liteit se ingryping by die swembad die afgelope week vrugte af­werp. Die gekraakte sementblokke langs die swembad is ook vervang.

Die munisipaliteit het verlede week op navraag van Die Hoorn oor die toestand van die swembad, aangedui dat dit onaanvaarbaar was en ’n ondersoek geloods is na die oorsake daarvan.

Ntobeko Mangqwengqwe, munisipale woord­voer­der, sê die munisipaliteit is steeds besig om die swembad skoon te maak en dat die watergehal­te nog verder sal verbeter. “Die interne ondersoek na die toestand van die swembad is steeds aan die gang.”

0 Comments

Leave a reply

Your email address will not be published. Required fields are marked *

*

©2017. Digitale projekbestuur deur Lumico.

Log in with your credentials

Forgot your details?