Openbare deelnameproses skop af

Voortrekkerweg. Foto: Liesel le Roux

Voortrekkerweg. Foto: Liesel le Roux


Voorgestelde naamsverandering van Voortrekkerweg

Deur Liesel le Roux
DIE openbare deelnameproses rond­om die voorgestelde naamsverande­ring van Voortrekkerweg op Oudtshoorn na Nelson Mandela Boulevard skop vandees­week af. Kennisgewings hieroor verskyn vandees­week in Die Hoorn op bladsy 9 asook in ander plaaslike publikasies.

Volgens Ntobeko Mang­qweng­qwe, woordvoerder van die Oudts­hoorn Munisipaliteit, sal inligting oor die deelnameproses ook in die maandelikse munisipale nuusbrief verskyn, op pamflette wat by openbare wyksvergaderings oor die begroting en Geïntegreerde Ontwikkelingsplan (GOP) uitgedeel word asook op die munisipaliteit se sosiale media-platforms soos Facebook en Twitter. Die sluitingsdatum vir kommentaar is 18 Mei.

Geskrewe kommentaar oor die beoogde naamsverandering moet gestuur word na hd@oudtmun.gov.za of afge­lewer word by die kantoor van mnr HD Visagie in die munisipale gebou in Voortrekkerweg. Mense wat nie kan skryf nie, kan die munisipaliteit nader vir hulp met hul kommentaar.

Log in with your credentials

Forgot your details?