Stywe boete vir dwelms

hof-images (3)

Deur Garnett Wicomb
’N MAN wat vir die besit van dwelms skuldig bevind is, is in die Oudtshoorn Landdroshof ’n stywe boete en opgeskorte vonnis opgelê.

Pieter Oliphant (32) van Oudts­hoorn het aangevoer dat hy sy broer se broek aangehad het waarin daar 17 Mandrax-tablette was.

Landdros Lorraine Samuels het met vonnisoplegging gesê die hof word daagliks toegegooi met dwelmsake en dat die effek van dwelms op gemeenskappe nie geïgnoreer kan word nie.
Oliphant het drie vorige veroorde­lings vir die besit van dwelms.

Die landdros het gesê hy is besig om vir hom ’n paadjie na die tronk te plavei.

Hy is ’n boete van R3 000 of 12 maande gevangenisstraf opgelê waar­van die helfte voorwaardelik vir vyf jaar opgeskort is.

Log in with your credentials

Forgot your details?