Adams is beste veiligheidsman

Sers Alan Adams (middel) met sy trofee. By hom is kapt Morné Heunis (links) en Johan Bothma.  Foto verskaf

Sers Alan Adams (middel) met sy trofee. By hom is kapt Morné Heunis (links) en Johan Bothma. Foto verskaf

DIE sektorbevelvoerder: landelike veiligheid van Union­dale, sers Alan Adams, is tydens die Jaarkongres van Agri Wes-Kaap aangewys as die Beste Landelike Veiligheidskoördineerder in die provinsie en so vereer vir sy bydrae tot landelike veiligheid.

Kapt Morné Heunis, SAPD-sektorbevelvoerder, sê Adams het die afgelope jaar tydens 252 dwelmope­rasies verskeie persone in hegtenis geneem. “Dit wys duidelik dat hy deur die jaar konstant besig was met po­li­siëringsaksies in die landelike gebiede.

“Hy dien die ge­meen­skap ywerig deur misdaadbewusma­kings­projekte om ’n beter en veiliger landelike om­ge­wing te ver­seker, met die klem op ouer persone en misdade teen vroue en kinders.

“Verskeie inisiatiewe is van stapel ge­stuur om voorvalle van huis­hou­delike geweld te voor­kom en mense aan te moedig om drank verantwoordelik te gebruik. Hy doen ekstra moeite om kinders te bemagtig deur bewus­ma­kingsaksies by plaasskole waar pamflette uit­­­gedeel word om skool- en waterveilig­heid, dwelm- en drank­mis­bruik en seksuele mis­drywe aan te spreek.”

0 Comments

Leave a reply

Your email address will not be published. Required fields are marked *

*

©2017. Digitale projekbestuur deur Lumico.

Log in with your credentials

Forgot your details?